244                                                   REGISTRES DU BUREAU                                               [i563]
Led. jour, Jehan de Bures, Pierre Thamenay,       chacun en dix livres parisis d'amende, pour avoir
Gilles Hebert, Philippes Doc, Jehan Liger, Jehan       failly à eulx trouver à la justice, lundi dernier, et
Rampart, Denis de S' Quentin et Jacques Bidault,       privez de leurs privileges pour les causes cy devant
tous arbalestriers de lad.Ville, ont esté condamnez,       declairées, sauf comme dessus(1).
CCCLXXXIV. — [Injonction aux hostelier» de ia rue de la Calande
de bailler les noms des personnes qu'llz logent.]
[Comparutions d'archers et arralestriers.]
3 juillet i563. (H i785, fol. 3 v°.) <->
Du troisiesme jou» de Juillet mil v° lxiii.
Sur la plaincte faicte par Jaspart Le Brethon, en­seigne du cappitaine Bonnot, de ce que, combien qu'il soit enjoinct à tous hostelliers et autres per­sonnes logeans personnes n'estans demourans en ceste Ville de apporter et bailler par chacune sep­maine aud. cappitaine les noms, qualitez et armes des personnes qu'ilz logent, ce neantmoins les hostes du Cheval blanc, du Saumon et Ia Cloche demou­rans rue de la Calende, au mespris et contemne-ment des ordonnances sur ce faictes, sont reffuzans de bailler aud. cappitaine lesd, noms et seurnoms ; au moien de quoy ne sauroit faire les recherches requises et ordonnées, requerant estre sur ce pour­veu. A esté ordonné que commandement sera faict ausd, hostes cy dessus nommez de comparoir ceans ce jour d'huy, pour ce faict, en ordonner ainsi que de raison.
Ced. jour, ont esté faictes deffences par mesd. sieurs à Nicolas Bastillart de ne soy plus entre-mectre, en quelque sorte que ce soit, de la com­mission qu'il dict avoir de faire descharger le bois arrivant es portz de ceste Ville, jusques à ce qu'il ayt faict apparoir de l'arrest de la Court dont il s'est venté.
Suivant l'assignation donnée à Ia vefve leu Martin Testu, hoslelliere demourant rue de la Calende à la Cloche, est comparue lad. vefve, à laquelle, oye en ses remonstrances et excuses, a esté enjoinct de bailler par chacune sepmaine aud. cappitaine, ses lieutenans, ou enseigne en leur absence, les noms, qualitez et armes de ses hostes, sur peine de x livres parisis d'amende, suivant l'ordonnance.
Idem à Claude Menchon, hoste du Saulmon, et
neantmoins apportera dedans huy certiffication du commissaire du quartier.
Archers.
Pierre Albouin, archer, certiffié par le cappitaine Belot avoir assisté à cheval avecq luy lundy dernier à la justice, absolz.
Lois Marchant, certiffié comme dessus avoir as­sisté à pied avecq harquebuze et morion.
Anthoine Foucquet a affermé n'estre en ceste Ville lors de lad. justice, et estoit allé à Blois peu devant la Feste Dieu, sans toutesfois avoir demandé congé, et revint samedi dernier de soir, a esté con­damné en x livres parisis et à tenir prison.
Richart Chambellan n'estoit en ceste Ville, et es­toit allé par le congé du lieutenant de son cappi­taine à Montargis, certiffié par le lieutenant Du Ru.
Guyon Langloix a affermé n'avoir sceu le com­mandement à luy faict, sinon de lundi dernier, cinq heures du soir, a esté pareillement condanné en x livres parisis comme dessus.
Gilles Charbonnier, demourant rue S' Jacques, veriffira dedans deux heures de relevée comme il a faict le service et assisté.
Pierre Havyn, demourant es Halles à la Rappée, en la presence duquel led. cappitaine a dict l'avoir mandé et à luy dict qu'il allast avecq luy, condamné en x livres parisis comme dessus.
Vincent Robin, excusé par led. cappitaine de maladie, d'un coup d'espée sur la teste, comme il a faict apparoir, toutesfois n'a delaissé de le faire savoir à ceulx de sa Dixaine, et actendu que led. Robin a tousjours faict son debvoir cy devant, absolz.
Jehan Bellebrune, certiffié par lesd, cappitaine et lieutenant avoir servy, absolz.
Jehan de Launay a affermé y avoir assisté à pied,
O Voir également le Registre Z 6826, fol. 108 v°.
W Tout ce paragraphe se trouve dans le Registre Z 6826, fol. 108 et 109.